Asier Iturralde 
@aldatsa@mastodon.eus
2018(e)ko Urr(e)an elkartua
Nik ere izan nuen zati txiki bat #Andatzako ikerketan.
2018ko maiatzean, mendi-bizikletan nenbilela, itxura susmagarriko harri bat ikusi nuen Sagatzu aldean. Javi Castrori jakinarazi eta egiaztatuko zuela esan zidan. Hurrengo egunean baieztatu zidan, Andatza-6 harrobiaren lehen zantzua zen.
Aurtengo urtarrilean beste harri xelebre bat ikusi nuen Erroizpe errekan. Laster baieztatu zidan: aurrez aurkitua zuen Andatza-19 harrobia uste baino gehiago luzatzen zen gorantz.
Aranzadiko Javi Castro, errotarri-harrobi kontuetan aditua, #Usurbilgo #Andatza mendian ere ibili da azken urteetan.
24 harrobitan banatutako 129 errotarri aurkitu eta katalogatu ditu Andatzan. Kopuru hori mendiak errotarrigintzan izandako garrantzia adierazten du. Andatzarrizko errotarriak oso estimatuak izan ziren. XIV. mendetik (1388koa da lehen aipamen idatzia) XIX. mendera arte iraun zuen langintzak.
Informazio gehiago Euskal Wikipedian:
https://eu.wikipedia.org/wiki/Andatza_(mendia)#Errotarri_harrobiak
Esklusiban Mastodonen: Gipuzkoako barne turismoa bultzatzeko kanpainaren izena erabakitzeko bileran gertatutakoa...
#euskalmemeak #euskalmeme #euskara
Uste dut ez nuela inoiz irakurri toltz hitza eta gaurkoan bitan agertu zait.
Lehenengo aldiz Jakoba Errekondoren @argiako artikulu honetan:
https://www.argia.eus/albistea/zergatik-dituzte-landare-batzuek-bi-loraldi-urtaro-berean
Bigarrenean Itxaro Bordaren #Kripton85 eleberrian.
Eguzki errea, sargoria esan nahi omen du.
Apirilean Jon Arretxeren #MesfidatuHitzez irakurtzeko gogoarekin geratu nintzen. Azkenean eskuratu dut eta di-da batean irentsi dut. Iaz @elegose irakurle taldean irakurri genuen #EzErranDeus asko gustatu zitzaidan eta honek ere ez dit hutsik egin. Hura bukatu nuenean esan nuen bezala Toureren istorioaren jatorria ezagutzeko gogoarekin! 19 kamera, 612 euro, Hutsaren itzalak, Estolda jolasak, Sator lokatzak...
Ez da Karramiolotz trikuharriak kalteak jasaten dituen lehen aldia. 2018ko martxoaren 3an iluminaturen batek ganberaren inguruan harriekin espiral moduko bat osatua zuela ikusi nuen 🤦♂️
#andatza #trikuharriak #bandalismoa #usurbil
Atzo #Andatzan Aranzadiko kideekin trikuharri batean indusketa lanetan genbiltzala, beste trikuharri baten ondoan ezezagun batzuek hondakin pila handi bat utzi zutela jakin genuen 😡
https://noaua.eus/usurbil/1591469897960-egon-behar-ez-lukeen-mendixka-andatzara-bidean
Eguneko lanak amaitutakoan begiratzera joan ginen. Ordurako norbaitek hondakinak eramanak zituen. Tumuluaren oinarria pixka bat kaltetua zegoela aipatu zuten 😥
https://noaua.eus/usurbil/1591909372247-aurreko-asteburuan-andatzan-agertu-ziren-hondakinak-kendu-dituzte-jada
#arkeologia #trikuharriak #bandalismoa
Lehen argazkia ez dakit norena den, bigarrena nik atera nuen.
#Usurbilgo himnoak dionez "Usurbildarrek daukate sagardoa alkate" eta ez dut esango gezurra denik, baina aste honetan #EguneanBehinen ni nagusi!
#PeerTube v3-an zuzeneko emanaldiak egin ahal izango dira!
Hori eta beste hainbat ezaugarri (bilaketa federatua, moderazio tresnak, erreprodukzio zerrendak, plugin sistema...) garatzeko #auzolaguntza kanpaina bat jarri dute martxan.
Oso tresna potentea da eta artikulua irakurrita gauzak oso argi dituztela ikusten da. Bejondeiela!
Fernando Simon ikusten dudan bakoitzean @birasuegiren tut honekin gogoratzen naiz
https://mastodon.eus/@birasuegi/103846327032241703
#Usurbil Aurtengo Sagardo Eguna, etxean eta etxekoekin. Maiatzaren 24rako proposamen hau egin zaie herritarrei: txotx egizu sagardo botila batekin eta sare sozialetan partekatu! #sagardoeguna #UsurbilgoSagardoEguna
Irudiaren egilea: @Josevisky
Zubietar batek erraustegi ingurutik behera doan errekan grabatutako bideoa. Aingira eta beste arrain batzuk hilik agertu dira. #ErrausketarikEZ
Iazko ikerketa batean aurkitu zuten Orreagako monasterioaren beste mugarri bat topatu dut gaur #Andatzan: Enutokoa. Gipuzkoako Ehiza Federazioak duen itxitura batean dago ("Jurassic Park" bezala ezaguna) eta #Usurbil eta #Zizurkil arteko muga ere bada. Horregatik dauka U bat alde batean. Bestean Orreagako ikurra dauka, gurutzea eta bakulua, baina itxiturara sartu gabe zaila da argazki txukun bat ateratzea. Igartzazabalgo mugarrian ondo ikusten da ikurra (azken argazkia).
http://www.usurbil.eus/es/-/andatza-egunik-ezean-iaz-egindako-zenbait-lan-kontsultagai
Kontua hor bukatuko zela uste genuen, baina gaur beste erleseme bat agertu da eta atariko melokotoiondoaren adar batean pilatu direla ikusi dugu.
Julian Urkiolari deitu eta laster batean etorri da. Eskilara jarri eta erlauntza baten kaxara sartu ditu. Erlauntzako zulo ondoan zeuden erle batzuei begiratzeko esan dit: geldi zeudela hegalak astintzen ari ziren, dirudienez kanpoan geratu direnei hoska. Pixkanaka-pixkanaka gehienak etxe berrira sartu dira.
#erleak
Baserriko atariko paretan #erleak agertu zirela kontatu nizuen. Azkenean Gipuzkoako Erlezainen Elkarteko presidente izandako Julian Urkiola etorri zitzaigun, eta erleak ateratzeko modurik ez zegoenez, pena zela, baina fumigatu eta zuloa ixtea beste erremediorik ez zuela ikusten esan zigun. Erle kontuez hizketan aritu zitzaigun eta nabari zen estimu handian dituela. Berarengandik ikasi nuen erleseme hitza. Euskaraz izen gehiago ere baditu: erlekume... Gazteleraz enjambre.
https://www.euskaltzaindia.eus/index.php?&option=com_ehha&view=frontpage&Itemid=466&lang=eu&mapa=905
Gaur #AndatzaEguna da. Tontorrean hamaiketakorik gabekoa zoritxarrez. Jendetik ihesi, Orreagako monasterioarenak izandako lurren Beloztegiko mugarriaren bila ibili naiz. Ez dut aurkitu, baina ezagutzen ez nituen errotarri batzuk ikusi ditut 😃
#Usurbil
2018(e)ko Urr(e)an elkartua
