Munttarpeko gizonezkoen lehen taldea Gipuzkoako Lehen Mailara igo da.
Larunbatean Zumaiako Pulpo taldearen aurka Bekoerrota kiroldegian jokatutako partidaren ostean, lurraldeko lehen mailarako txartela irabazi zuen taldeak.
Zorionak talde osoari! Aupa Munttarpe! 
BIBE proiektuko hurrengo topaketa iristear dago!
Apirilak 8, asteartea
17:00-19:00
BIBETOKIAN (Zubitxo kalea, 21)
BIBE – Bizitza Berria eta Betea sortzeko prozesua aurreratua dago eta jada saio gutxi geratzen dira. Bihar Lezoko Bibetokian elkartuko gara, lezoarrei benetan axola zaiena islatzen duten gaiekin elkarrekin lan egiteko: elkar-entzutea, belaunaldien arteko topaketa, komunitatea indartzea eta enpatia aldaketarako motor gisa erabiltzea.
Kepa Garbizu Azkue, Lezoko alkatea izandakoa, zendu da.
Herriko alkatea izan zen 2003-2007 agintaldian, bai eta 2015-2016 bitartean. Lezoar konprometitua, euskaltzalea eta abertzalea zen.
Lezoko Udaleko ikurrina masta erdian eta xingola beltzarekin egongo da 3 egunez bere omenez.
Lurrak goxo har dezala.
Albiste osoa: https://labur.eus/dyx0ygfw
Jaizkibel Hiribidea eta Altamirako parkearen arteko basoko hondakinen garbiketa eta isurketa berriak ekiditeko hesiaren lanak hasi dira.
3-4 asteko iraupena eta 2 tona hondakin ateratzeko aurreikusi dute.
Elkar zaintzea ez da pertsonetara mugatzen, gure herria eta ingurumena zaintzea ere beharrezkoa da denon bizi kalitatea hobetu eta elkarlanean bizitoki erabilgarri, seguru eta gozagarriak sortzeko.
Informazio gehiago: https://labur.eus/ljio5vpy
Etxebizitza Plana onartu dute aho batez martxoko Osoko Bilkuran.
Erabaki honek bi puntu nagusi ditu:
Hurrengo hiru urteetan udal etxebizitza politika gidatuko duen Ekintza Plana onartzea. Lezo Tentsio Handiko Bizitegi Eremu izendatzeko eskaera egitea Eusko Jaurlaritzari.
Mikel Arruti: "Udal gobernutik balorazio positiboa egiten dugu, izan ere, herritar askori eragiten dion arazoari guztion artean erantzutea beharrezkoa baita"
Albiste osoa: https://labur.eus/tagn02wx
Aurten ere errenta euskaraz!
Oarsoaldeko udalek errenta aitorpena euskaraz egiteko deia egin diete herritarrei. Izan ere, aurrerapausu bat gehiago da administrazio publikoarekin harremana euskaraz izateko bidean.
Herri bakoitzak bi lagunentzat otordu bat zozkatuko du aitorpena euskaraz egiten dituzten herritarren artean.
Albistea osoa: https://labur.eus/ajsig6cf
Udalekuetan izena emateko epea astelehenean, martxoaren 31ean, irekiko da. 200 plaza eskainiko dira.
Aisialdia euskaraz. Etxeko gaztetxoenek Lezoko ohiturak eta ingurunea ezagutu, jolasak, dantzak, antzerkiak eta beste hamaika ekintza egingo dituzte.
Izena emateko epea: martxoak 31 - apirilak 11. Lezoko Udaleko webgunean edo Euskara eta Kultura sailaren bulegoan.
Informazio guztia: https://labur.eus/udanjostatzera
‘Komunikazioa Familian’ hitzaldia izango da datorren astelehenean, martxoaren 31n, Lezo Institutuan, 17:00etatik 18:30ra bitarte. Izar Arregi Aizpuru psikologoak gidatuko du.
Familia Eskola egitasmoaren barruan, nerabeekin familia giroa hobetzeko disziplina positiboa ezartzeko moduak aztertuko dituzte.
Izen-ematea beharrezkoa da eta argazkian agertzen den QR-a edo esteka bidez egin daiteke.
Mugitu gorputza, indartu hizkuntza!
Eskualdeko gimnasio eta soinketa zentroetan euskararen presentzia sustatzeko lanketa aurkeztu zuten atzo lau udalek.
Guztira, 34 establezimenduk egin dute bat kanpaina honekin, eta oraindik batu ez diren establezimenduei parte hartzera gonbidatu dituzte.
Albiste osoa: https://labur.eus/bjvpc5ka
Atal Feminista izango du Andreone Liburutegiak.
Ostiralean, 19:00tan aurkeztuko dute feminismoan erreferenteak diren egileen lanak bilduko dituen atala. Martxoaren 8aren inguruko egitarauaren azken hitzordua izango da.
Aurretik, 18:00etan Nerea Loiola Pikaza idazlearen “Zebrak eta Bideak” liburuaren aurkezpena dinamizatuko du Irati Zubia filosofoak, liburutegiko sotoan.
Informazio guztia: https://labur.eus/atalfeminista
Oroitzene AEK-ko ikasleentzat "Ogia egiten ikasteko tailerra" izango da ostegunean, 18:00etan.
Oarsoaldeako Euskara Batzordearen Mintzagun programaren barruan, eskualdeko euskaltegietan ogia etxean egiten ikasiko dute Edurne Agirre okinaren eskutik.
Mintzagun egitasmoaren helburua ikasleek edozein gai, konplexuenetatik eguneroko gaietara, euskaraz jorratu daitekeela ikustaraztea da.
Albiste osoa: https://labur.eus/mintzagunogia
Lesoinuren XXXIX. edizioa iristear da
Musika eta pedagogia ardatz, erreferente den zikloak egitarau oparoa izango du aurten ere.
14 emanaldi izango dira aurten Lesoinun, martxoaren 29an hasi eta maiatzaren 11ean amaituko da.
Informazio gehiago eta egitarau osoa: https://labur.eus/lesoinu
Udalekuetan hezitzaile izateko lan-poltsa ireki dute.
Lezoko aisialdi programetan lan egiteko hezitzaileei zuzendutako lan-poltsa da: udalekuetan, Ludotekan, Kuadrillategi edo Faktorian.
Informazio guztia: https://labur.eus/lezoudalekuak
Oarsoaldeako kirol klubetan euskara sustatzeko plana aurkeztu dute eskualdeko lau udalek.
Zortzi kirol talderekin egingo da elkarlana, Emunen aholkularitza teknikoarekin. Lezon, Munttarpe eta Allerru kirol klubek hartuko dute parte.
Albistea: https://labur.eus/pammhks5
@pasaiakoudala @oiartzunudala @errenteriaudala @oarsoaldea @emun
Lezoko Udalak bat egingo du ‘Planetaren Ordua’ ekimenarekin. Hala, gaur 20:30tik 21:30ra Udaletxeko eta San Juan Bataiatzailearen elizako argiteria itzaliko du.
Naturarentzako Mundu Funtsak (WWF) mundu mailan antolatutako ekimena da. Klima aldaketaren ondorioei buruz sentsibilizatzea du helburu eta herritarrak, erakundeak, enpresak eta udalak biodibertsitatearen galeraren aurka mobilizatzeko kanpaina da.
Informazioa: http://labur.eus/u870zo5j
Alde zaharreko eta kaiaren inguruko hainbat kalek ez dute argindarrik.
Udalak jakin duenez, Iberdrola enpresaren matxura baten ondorioz, alde zaharreko eta kaia inguruko hainbat kaletako etxebizitza eta kaleko argiteria moztuta dago. Konponketa lanak egiten ari dira eta eguerdirako arazoa konponduta egongo dela aurreikusi dute.
Energia Txirotasunaren inguruko saioa astelehenean, 18:00tan, Kultur Aretoan, Lezoko Energia Komunitatearen sorrera prozesuaren baitan.
Azaroan Iratzerri Lezo Ingurumen Elkarteak eta Lezoko Udalak, Goiener kooperatibaren aholkularitzarekin, Lezoko Energia Komunitatearen sorrerarako prozesua abiatu zuten. Ordutik zazpi saio egin dituzte, hainbat gai jorratuz, herriaren egoera ezagutuz eta Komunitatea osatzeko lehen pausuak emanez.
Albistea: https://labur.eus/energiatxirotasuna
Lezoko Udalak Informatikari postua betetzeko lan eskaintza zabaldu du.
Izen-emateko epea gaurtik (martxoak 19) martxoaren 24era arte egongo da irekita.
Prozedura Lanbide bidezkoa izango da.
Informazio guztia: https://labur.eus/inflezo
Zortzi ipuin kontaketa saio izango dira udaberrian zehar Lezoko Liburutegian.
4 eta 7 urte bitarteko haurrei zuzendutako saioak dira. Asteazkenetan izango dira, denak 18:15ean Lezoko Udal Liburutegian.
Egitarau osoa: http://labur.eus/ipuinkontaketak
Lezoko Udalak Etxebizitza Plana aurkeztu du.
Martxoko Osoko Bilkuran onartzen denean, bertan jasotzen diren politikak martxan jartzeko asmoa du. Herritarren etxebizitza eskubidea eta bizitza duina ditu oinarri.
Informazio gehiago: labur.eus/etxebizitzaplana
