Atzera

1875eko martxoaren 29an Eugène Godard aeronauta, Bordeleko merkatari bat, Argeleko pirotekniko bat eta Vinson, #globo batean igo ziren #Baiona-#Ezpeleta bidea egiteko.

Kontua animatu, eta #Espainia-ra pasatzea erabaki zuten. #Belaten zirela, eguraldiak okerrera egin zuen eta hazieak Iruñe aldera eraman zituen bidaiariak

Iruñe inguruan izan zuten istripua, eta gaua globoaren saskiak babestuta pasatu zuten. Biharamunean #Zizur-ko eta #Gazolaz-ko elizetako ezkilakentzun zituzten eta segituan bildu zitzaizkien inguruko biztanleak, jende berexi hori ikusi nahiz.

Vinsonek, hizkuntzalari batek ez baitu sekula atsedenik hartzen , inguruan #euskara-ren egoera zein zen jakiteko aprobetxatu zuen, #Bonaparte-ren lana ezagutzen baitzuen, eta ikusi inguruko 50 pertsonetatik bi baizik ez zirela euskaldunak, eta umeek ez zutela egiten.

Diputazioak harrera arranditsua egin zien , eta ospitalera artatzera eraman zituzten . Han batekin baino gehiagorekin mintzatu omen zen euskaraz, eta Jazinto Campion ere ezagutu zuen, Arturoren aita, zeinak euskal liburu batzuk ere eraman zizkion .

Eta hala bazan...

Iturria: Ze Berri aldizkaria, 32. zkia. https://zeberri.eus/ZB/ZEBERRI-032.pdf